Publicado el: 02 May 2018

Acto lliterariu de la Selmana de las Lletras Asturianas en Grau

 

A las 19:30 na Capilla los Dolores va faese entrega de los diplomas del «V Premiu de poesía Selmana de les Lletres» y la actuación poéticu-musical de Pablo X. Suárez y Chinu L’Indiu

Redacción/Grau

A las 19:30 na Capilla los Dolores va faese entrega de los diplomas del «V Premiu de poesía Selmana de les Lletres», al alumnáu de primaria ya secundaria del conceyu de Grau. Esta entrega ta organizada a medias ente la Conseyería de Cultura del Principáu d’Asturias ya l’Aula de las Metáforas de Grau, pola la Semana de las Lletras Asturianas. Va cuntar cola actuación poéticu-musical de Pablo X. Suárez y Chino El Indio.

El xueves 3 de mayu pretende ser una xornada festiva onde se va faer usu de la llingua asturiana polas cais de la villa moscona. Organizáu pol Serviciu de Normalización Llingüística, a partir de las 12:00 na Plaza del Mercáu (Plaza Xeneral Ponte y si llueve, na Capilla los Dolores) va celebrase’l Día de las Lletras Asturianas cola participación ya colaboración de la Escuela d’Educación de 0 a 3 años, la Escuela Bernando Gurdiel, la Escuela Virgen del Fresno, la Escuela de La Mata, l’IES Ramón Areces ya l’IES César Rodríguez. Tolos neñas ya neñas que tán matriculaos n’Asturianu, que suman un total de 500 alumnos, van baxar a la plaza pa disfrutar d’un eventu que se va dividir en dous partes. Primeiro van venir a Grau representantes de la Universidá d’Uviéu, de la Academia de la Llingua Asturiana, de la Conseyería de Cultura ya del Conceyu de Grau ya van faer entrega de dellos lotes de llibros pa las bibliotecas de los centros moscones. La segunda parte del actu trátase d’un conciertu del grupu de música tradicional-indie L+R, formáu polos músicos Leticia González ya Rubén Bada, que van cantar unas piezas col sou pandeiru ya la sou guitarra eléctrica.

 

Organiza la Conseyería de Cultura del Principáu d’Asturias ya l’Aula de las Metáforas de Grau.

Deje su comentario

Diario digital del Camín Real de la Mesa