Casa de Cultura de Grado
Redaición/Grau
El nuevu Serviciu de Normalización Llingüística que s’acaba d’estrenar ente los conceyos de Grau ya Candamu organiza un cursu d’iniciación d’asturianu p’adultos na Casa la Cultura de Grau, nel palaciu Miranda-Valdecarzana.
El cursu vei ser de baldre ya vei constar de catorce sesiones. Las clases van empezar el llunes 23 d’octubre ya van estendese hasta’l 5 de febreiru, sin cuntar colos festivos del mes de diciembre. Cada llunes van impartise 1’5 horas llectivas, dende las 19:00 hasta las 20:30.
Pue apuntase tol mundu, mayor de 16 años, que nun conoza la llingua asturiana ou que quiera afondar un poucu nella. Nun se precisan conocimientos previos d’asturianu pa inscribise ya nun yá necesariu nengún tipu de material pa siguir las clases. Pa matriculase nun fai falta nada más que llamar n’horariu de mañana los martes, los miércoles ou los vienres al Serviciu de Normalización Llingüística de Grau (985 95 22 29), mandar un corréu electrónicu a llingua@ayto-grado.es ou dir en persona al Serviciu (Casa la Cultura de Grau, palaciu Miranda-Valdecarzana, CP: 33820).
Esti cursu yá una nueva aproximación a la llingua asturiana dende’l conceyu de Grau ya tien l’oxetivu d’aprender nestos meses a falar, escribir, entender ya interaccionar na variedá occidental del asturianu, que tien bien presencia nesti conceyu, así como nel estándar llingüísticu de la variedá central.
140 personas asistieron ayer a la comida de homenaje a José Manuel García, que a…
Una iniciativa veraniega para enseñar a la gente las técnicas de bioconstrucción que usaban nuestros…
Pili Coalla y Amada Costa mantienen la tradición de la sidra casera de Candamo Esther…
Bermiego, Grado, Salas y Siones presentan su candidatura a ‘Pueblo Ejemplar de Asturias, destacando no solo…