Redacción/Grau
Dempués de la parada de 2020 por cuenta la COVID19, el Día’l traxe’l país vuelve pa Grau col ‘Concursu Indumentaria 2021’. Esti eventu va facese n’espacios acotaos albentestate, y va ser obligatoriu usar mazcaritu y respetar la distancia de seguridá.
Pol aquello de los aforos tasaos esti añu va haber menos participantes a Concursu pero, eso sí, con traxes de nivel. Ente toos ellos nun va faltar una bona representación de xente del conceyu Grau que van desfilar, dempués de la 1, per una pasera que ye única y, amás, la más guapa qu’hai de moda asturiana del sieglu XIX: la del Día’l traxe’l país. Al son de la música, en directu, d’Octavio Trapiella y Dolfu Fernandez, homes y muyeres inscritos van pasiar los traxes pela alfombra instalada énte la capiya Los Do- lores. Dientro los cortes y la confección tradicional asturiana, toos van llucir propuestes diferentes y personales, qu’enseñen la manera de vistir de los nuestros antepasaos destacando les característiques propies de dellos llugares, situaciones de la vida y rangu social. Pañu finu y estameña basta, muncho prieto y pardo resaltáu con colores vivos o apagaos, seda y terciopelu, ricos y probes, too se va a ver y a vistir en Grau el domingu 26 de setiembre, pola mañana.
Nesta fiestona de la indumentaria asturiana tamién se van ver algunas de les poques pieces d’indumentaria antigua que se conserven n’Asturies y que, gracies al concursu, salen del arca pa se conozan y documenten. Ente estes pieces antigües, que son fundamentales pal conocimientu y estudiu del traxe tradicional, destaca una camisa de muyer del sieglu XIX procedente d’Anzu, confeccionada con llinu que se semó y se texó en conceyu Grau. La pieza, dieron con ella Xosé «Ambás» y Ramsés Ilesies, dientru’l trabayu que fain per toa Asturies.
Les distinciones
El concurso Indumentaria 2021 va tener como miembros independientes del xuráu a Consuelo Riu, Amadéu Benavente, Constantino Menéndez y Héctor Díez. Ellos van tan encargaos de conceder tres distinciones en cada categoría –home y muyer–, que patrocina la Caja Rural de Asturias. El domingu 26 en Grau van dase un premiu primeru de 200 euros, un segundu de 150 euros y un terceru de 100 euros. Estos reconocimientos van ser entregaos a les persones distinguíes pola conceyala de Cultura y Festexos del Conceyu Grau, Elsa Suárez, y por una representante de Caja Rural de Asturias. Amás, los ganadores van llevar unes lligues, de diseñu a costafecha, que van poder llucir amarrando les medies pa ameritar l’honor de ser que meyor taben vestíos de la edición de 2021.
Berto Suárez, organizador y creador del evento, espresa la «satisfacción pol nivel tan altu que lleva algamáu el Concurso Indumentaria, que nació pa poner en valor, ense- ñar y reivindicar la escelencia nel vistir a la hora de llucir los traxes tradicionales asturianos». y reconoz que «Esti ésitu nunca s’hubiere dao ensin la implicación y la ilusión de los participantes y el sofitu de Caja Rural de Asturias y del Ayuntamiento de Grau».
Y, de tarde, un gran baille
El «Día’l traxe’l país» tá afitáu como una cita de referencia de la cultura asturiana. Nesta edición quinta, yá de tarde –a partir de les cinco y media–, na Plaza’l Mercáu, cantarán y tocarán la panderetera Leticia Baselgas, el grupu Andecha Folclor d’Uviéu y, pa rematar la tarde Xosé Antón «Ambás» y Ramses Ilesies. Nel espaciu acotáu pal baile participarán pareyes de los grupos de baille tradicional Xeitu, Trebeyu, Vezos Astures, Andecha Folclor d’Uviéu, Fitoria y San Felix.
En la era digital actual, proteger tu información personal es más importante que nunca, especialmente…
Vender una casa puede ser un proceso complejo y estresante, pero gracias a la tecnología…
En los últimos años, las estadísticas avanzadas han transformado el panorama de la predicción de…
Grado ya recuerda con una placa a su último alcalde republicano, Carlos Barredo, justo cuando…
Los teverganos que acudieron a la escuela de la colegiata se reunirán el día 10…
El que fue alma de los festejos y dueño del prao donde se han celebrado…