L’orixe de los astures

El so orixe nun ta nidiu y hai delles postures principales; una qu’indica la posibilidá que llegaron dende centroeuropa, otra señala que son la evolución de los habitantes asitiaos na zona dende’l Mesolíticu o escomienzos del Neolíticu

Por Xuan de la Kanal.la

Los »astures» foron un grupu de pueblos celtas y preceltas qu’habitaban el noroeste de la Península y que’l so territoriu entendía aproximao la comunidá autónoma d’Asturies, la provincia de Lleón, parte de Zamora yal noreste portugues, per enriba del Dueru, al oeste del ríu Esla, too ello denomináu Asturia.

Considérase que l’orixe y formación d’esta cultura anicia, ente otros aspeutos, nel amiestu d’una población autóctona, que’l so orixe nun ta bien claro, con grupos de población llegaos de la zona centroeuropea. Sicasí, el conxuntu d’Etnia| d’esti grupu nun paez nidiu, y la mayoría de los investigadores camienten que la denominación »ástures» sedría un convencionalismu emplegáu polos romanos a la so llegada al Noroeste peninsular.

Trátase de grupos de comunidaes llocales, entamaos según los valles y unidaes menores del territoriu. Esto ye posible confirmalo nas singularidaes que presentan las decoraciones cerámiques de la Edá del Fierro que denoten particularidaes comarcales. De duldosa filiación llingüística, hai una clara presencia de términos rellacionaos colas Llingües céltiques.

El so orixe nun ta nidiu y hai delles postures principales. Una qu’indica la posibilidá que llegaron dende centroeuropa (ríu Ister nome en griegu del ríu Danubiu y la zona d’Estiria, Austria), pola coincidencia de los nomes y la esplicación del nome d’esti pueblu como raigañu celta o indoeuropéu.

Otra postura señala que las poblaciones astures son la evolución de los habitantes asitiaos na zona dende’l Mesolíticu o escomienzos del Neolíticu y son la evolución cultural de las poblaciones que fixeron pintures como las apaecías na Cueva d’El Pozu’l Ramu‎ o, nel casu de los cántabros; básase nas rellaciones culturales ente tolos pueblos de la Península Ibérica y Aquitania.

Y otra postura que cuenta con más respaldu, que diz que trátase del amiestu d’una población autóctona, que’l so orixe nun ta bien claro, con grupos de población llegaos de la zona centroeuropea.

En cuanto a qu’Astura seya l’Esla, el Seya o cualesquier otru ríu, esplícase en favor del primeru pol tamañu, ye dicir cuando los romanos contauten colos astures fáenlo pela Meseta y pel ríu más grande de la rexón, que ye l’Esla. Si bien, tamién hai razones pa decantase pol Seya, la mayoría d’estudios consideran que ye’l ríu llionés del que deriva la designación romana pa esti pueblu.

Anguaño nes Ciencies Históriques empléguense dos nomes; »ástures» pa referise a les poblaciones prerromanes del conventu romanu d’Asturica Augusta (actual Astorga) y »astures» pa les poblaciones que calteníen la cultura, llingua y relixón nes dómines históriques y altomedievales de los reinos d’Asturies y de Lleón.

Tribus astures

Astures Tresmontanos: Pésicos, Argamonicos, Luggones, Ablaidacos, Abilicorum, Agubrigenses, Arganticaeni, Argantorios, Arronidaeci, Cabrangini, cadabrigenses, Cilúrnigos, Coliacini, Vincianos, Viromenigos, Penii, Caelionicae, Ketiani, Cabarci, Berisonis. 

Astures Cismontanos: Guigurri, Lougi, Orniacos, Avolgigos, Luggoni, Brigantios, Baedunienses, Amaci, Saldanici, Superatios, Blanobriensi, Bolgenses, Loucios, Iburros,Lancienses, Tiburi, Zoelas Desonci, Tridiavi, Visaligi, Cabruageni, Cognatio. Selini, Oilaridos, Aranicos, Bodeiveicos, Veliagos, Veronigi, Vicavieos.