Andres Fernández
Beatriz Alvarez / Quirós
El jovencísimo autor Andrés Fernández (Morcín, 2003) presentó en Quirós su primera novela junto a su familia y vecinos. La obra que toma como punto de partida la guerra de independencia, es una novela epistolar que cuenta una ficción en la que el autor lleva a los lectores a imaginar qué habría pasado si los acontecimientos históricos hubieran sido diferentes.
-¿Cómo surge la idea de la novela?
– En realidá tien una hestoria bastante «anecdótica», por dicilo asina; yo yá tenía ganes d’escribir dalgún tipu de llibru sobro la Guerra Peninsular n’Asturies, pero nun sabía cómo enfocalu, porque yera la primer vegada qu’escribía novela. Nun quería facer narrativa hestórica dafechu, polo que la idea de la ucronía yá me rondaba, pero más alló d’eso nun lo tenía mui decidío… Hasta qu’un día, falando con Nicolás Bardio y con otra collacia, Alba, salió’l tema de les noveles epistolares, que yeren mui poques y que teníen un aire mui decimonónicu. Como sabíen que taba pensando una novela de la dómina entrugáronme que por qué nun facía una, y yo dixi «Oi ¿Por qué non?». Y dos díes depués yá taba escribiéndola.
– ¿Cuál ha sido el proceso de documentación que ha seguido?
– Non, nun fui mui metódicu col procesu de documentación. Yá llevaba un tiempu lleendo sobro la Guerra Peninsular y informándome sobro la dómina, porque como digo yá tenía la idea rondándome d’enantes. Realmente nun tuve qu’investigar muncho más, quiciabes lo que sí que me faltaba yera perfeicionar un poquitín más les mios conocencies sobro’l llinguax qu’usaben na época, pero yá tenía mediu camín andáu, como se suel dicir. Tampoco nun creo que la pandemia tuviere muncha influyencia, de fechu a min pasóme al aviesu que muncha xente: durante’l confinamientu nun fui nada productivu. Nun foi hasta’l branu que volví a tener gana d’escribir. El por qué la fici tan rápido nun te lo sé contestar. Salióme. Escribí la primer carta a unos díes díes andaos d’agostu, o asina, y yá nun pudi parar, y foi asina la cosa que pal entamu de cursu yá taba casique acabada. Cada día escribía una o dos cartes, yera como un mecanismu.
– ¿Por qué una ucronía? ¿Y por qué el siglo XIX?
– Como dixi nun quería facer novela hestórica, pero sí quería escribir sobro la hestoria asturiana, que ye un material en brutu con munchu potencial. N’específicu atrayíame bravamente la declaración de soberanía de la Xunta Xeneral el día 25 de mayu de 1808, l’entamu de la Guerra Peninsular, poles repercusiones que tuvo y pola importancia qu’enzarra (ye la entrada d’Asturies na modernidá), amás de que’l sieglu XIX ye una fantasía estética… Pero al tiempu quería facer dalgo nuevo, que ye pa lo que val la lliteratura, garrar esi matieral y tresformalu pa «facelu míu», y pa eso la ucronía vínome perfecta. Amás ye un xéneru, la ucronía, que me presta muncho porque permite esplorar tolo que pudo ser pero nun foi, toos esos socesos tan determinantes que pudieron garrar un camín y acabaron garrando otru. Hai tantos «¿Qué llegaba a pasar si…?» na hestoria asturiana que se fai difícil nun querer pone-y rempuesta a la entruga.
– Algunas de las cartas destacan el carácter del pueblo asturiano como bravo, valiente, peleón…
– Asturies yera un país pequeñu y sobremanera, mui probe, yo creo que d’ehí ye d’onde vien esi «grandonismu» que mos carauteriza. Yera la manera que teníemos de dignificanos, de protexenos a nós y a los nuesos drechos; pero poco podíemos facer escontra los grandes intereses. El procesu revolucionariu qu’encabezó la Xunta Xeneral a partir d’esi 25 mayu de 1808, por exemplu, prometía muncho, pero quedó en nada, porque los procesos políticos n’España «matáronlu na cuna». N’Asturies hai muncha identidá, pero falta, quiciabes, esa voluntá de poner primero lo nuestro y depués lo de fuera. Nun sé, nun soi hestoriador tampoco, pero a lo meyor por esa probitú, por esa dependencia vímonos obligaos a «tragar» colo que venía de fuera y por eso nun ficimos por conquistar un espaciu y una voz propies.
140 personas asistieron ayer a la comida de homenaje a José Manuel García, que a…
Una iniciativa veraniega para enseñar a la gente las técnicas de bioconstrucción que usaban nuestros…
Pili Coalla y Amada Costa mantienen la tradición de la sidra casera de Candamo Esther…
Bermiego, Grado, Salas y Siones presentan su candidatura a ‘Pueblo Ejemplar de Asturias, destacando no solo…