La Lliga Celta d’Asturies entama unes xornaes arqueolóxiques en Salas
Los asistentes van participar n’una visita guiada al castru de Alava y al Muséu del Prerrománicu
Muséu Prerrománicu de Salas
Redacción/ Grau
La Lliga Celta d’Asturies entama unes xornaes de calter arqueolóxicu-cultural pal prósimu sábadu 22 d’ochobre. La participación ye llibre por orde d’incripción y de bladre, namái hai que pagar el menú del día que vaya xintar cada participante. A les 12:00h, aconceyamientu nel puntu d’alcuentru: la ilesia d’Alava (Salas) y visita’l castru d’Alava guiada pel arqueólogu y direutor de la escavación dende l’añu 2018, Rubén Montes. Namái finar la visita’l castru se faerá una xinta de xermandía nel restaurante de la Villa de Salas Casa Pachón. El preciu’l menú ye de 16,50€/persona. A les 16,30, visita’l Muséu del Prerrománicu Samartín de Salas, allugáu na mesma Villa de Salas.
