Redacción/ Grau
El conceyu de Grau va poner en marcha un Cursu d’Indumentaria Tradicional Asturiana, que se va desenvolver los xueves, de 16:00 a 20:45 hores, ente’l 19 de febreiru y el 23 d’abril de 2026.
El cursu va cuntar con 10 places y va combinar teoría y práctica alredor de la confección de toles pieces del traxe tradicional asturianu, tantu d’home como de muyer. Ta dirixíu a persones que yá tengan conocimientos previos de corte y confección, sepan coser a máquina y puedan comprometese a una asistencia completa a les sesiones.
La inscripción va tar abierta del llunes 9 de febreiru, a les 10:00 hores, al vienres 13 de febreiru, a les 22:00 hores, al traviés del enllaz facilitáu: https://docs.google.com/forms/d/e/1FAIpQLSfmpW86WQbWxvNagzrQ4CDNiYVIDpihfVfwjKnQJhu8Wy6oIg/viewform?usp=header
Van tener prioridá na asignación de places les persones empadronaes nel conceyu de Grau y los nuevos alumnos y alumnes.
El material necesario pal desenvolvimientu del cursu va correr por cuenta de cada participante. Hai que tener en cuenta que’l primer día de clase va tener una duración de tres hores y que’l 2 d’abril nun va ser día llectivu.
Dende la organización recuerden la importancia de comprobar la disponibilidad pa asistir a toles sesiones, que van celebrase tolos xueves nel horariu indicáu.
Iso González, de Gaitas Linde, y Marina Pérez, de La Flor Cerval, premiadas en una…
Los agentes recomiendan ante cualquier petición inesperada de dinero confirmar siempre directamente con la persona…
La deportista consiguió el galardón en la categoría Kumite Femenino Juvenil +52 kg Catalina Argüelles…
La artista neoyorkina Jacinta Bujanda, hija de la candamina Paquita Suárez Coalla, expone en la…
La organización traslada el caso a la Fiscalía para que investigue los mensajes publicados en…
El corte se producirá en horario nocturno, de 21:00 a 07:00 horas, con motivo de…