Redacción / Grau
El Palaciu Valdés-Bazán de San Román va acoyer el próximu xueves 3 de mayu a las 19:00 la celebración del Día de las Lletras asturianas con un actu lliterariu.
Nesta xornada va faese la entrega de los premios lliterarios del III Concursu de relatos curtios «Conceyu de Candamu», qu´organiza la Conceyalía de Cultura ya van asistir los ganadores. Na categoría infantil (6-12 años) el primer premiu foi p´Andrea López Granda pol relatu El pirata cantarín ya l´accésit, pa Erika Martínez Hernández por Ragman el Pirata. Dambas dous son alumnas de la escuela pública Prieto Bances de Grullos. El ganador na categoría d´adultos foi´l periodista ya traductor Paco Álvarez pol sou relatu La ponte. Esti escritor da bien prestixu al concursu candamín porque güei en día yá l´autor que más premios lliterarios consiguíu de la hestoria de la lliteratura asturiana. El segundu premiu foi pa la escritora ya profesora de la Universidá de Nueva York Paquita Suárez Coalla, natural de Grullos, gran conocida dientro de las lletras asturianas, col cuentu Alcordances de cariñu.
Pa rematar l´actu va faese un recital poéticu a cargu del poeta local Jorge Estrada, que va presentar dellos versos n´asturianu, ya pol reconocíu escritor Xuan Bello, que vien a San Román a lleer unos poemas del sou repertoriu.
Esti actu ta organizáu pol Serviciu de Normalización Llingüística de Candamu ya forma parte del plan de normalización llingüística que se ta llevando a cabu nestos últimos meses por parte de Conceyu candamín.
La nueva entidad celebrará una jornada del bollo y la botella de vino el próximo…
Los Valles del Oso, Trubia y Grado lideran el incremento de los precios en los…
La grabación, en directo, se hará el martes, 19 de mayo, en el auditorio, de…
El Ayuntamiento mantuvo la competición escolar pese a la suspensión del encuentro por la dermatosis…
La normativa autonómica por la dermatosis nodular restringe el sorteo de ganado, pero sí habrá…
La actividad está programada para el miércoles, día 27, con un recorrido de la mano…