Forxando élites

Xuan García Díaz

Andecha Astur de Teberga

Cuando los servicios públicos qu’ufre un conceyu a la so ciudadanía tan a disposición d’unos si y d’otros non en función de las posibilidaes económicas, tan creándose desigualdaes. Cuando eses desigualdaes las carez la reciella, dificultándose l’acesu al esporte o a la música a los menos económicamente favorecíos, tan creándose na sociedá elites y marcandose unas distancies que van afeutar el restu la so vida.

Los servicios públicos son el conxuntu de bienes y actividaes, polo xeneral de tipu esencial o básicu, qu’al traviés de l’alministración directa, de subsidios o d’otros mecanismos regulatorios, un Estáu garantíza a la so población, cola fin de brindar un meyor nivel de vida ya protexer la igualdá d’oportunidaes ente los sos ciudadanos. Como’l so nome indica, avecen costease col dineru de los contribuyentes, esto ye, col  erariu públicu, y los sos destinatários son el conxuntu la sociedá.

Dichos servicios, tienen de tar protexíos pol Estáu ya son consideraos un bien d’interés nacional, inclusive cuando s’otorguen concesiones a la empresa privao pa que los alministren. En delles constituciones incluso –que non na española- declárase-yos propiedá inalienable del Estáu.

D’equí deduzse que servicios públicos son la sanidá, la educación, la biblióteca, la llimpieza, El curiáu de los mayores, la escuela música, ya’l ximnasiu.

¡¡Ai non!! La escuela música ya’l ximnasiu nun son, hai que pagar cuota.

Si se fixeron con dineru públicu -al menos, falando de Teberga, el ximnasiu- ye igual.

Pa una docena nenos ya nenas que van a música ¡que paguen!. Ya nel ximnasiu, pa diez o doce que van tolos díes ¡que paguen! ¿Comu va l’Ayuntamientu a facese cargu d’esos gastos de lluz ya d’agua d’unes instalaciones que nun tienen siquiera baños?

L’equipu de gobiernu de Teberga (Izquierda Xunida), que se diz comunista, dempués de metenos un bon paquetazu na escuela música cola cuota más alta de tolos conceyos d’alrodiu – son 30€ al mes, más la matrícula de 15€-  quier colanos outra cuota pol usu del ximnasiu (12€) col sofitu de los demás partios (PSOE, PP) ya nun se sonroxan na. Nun miran si la xente pue pagar las cuotas, nun ficieron dengún estudiu de les posibilidaes de facelo gratuito pa que la ciudadanía tebergana fuere más participativo.

Nuna pallabra tan forxando élites ente las ya los teberganos, ente los que tienen trabayu ya los que non, ente los que son funcionarios ya los pensionistes que nun lleguen a 500€, ente los fios de unos o los fios d’otros. Asina, pali que pali, van estremando dende piquiñinos en ciudadanos de primera, de segunda y ¿por qué non? de …. tercera.

*»Elite» provien d’una palabra francesa que quier dicir “los meyores de la sociedá». De la mesma, élite deriva de élire, ello ye escoyer o elección (Ferrando Badia, 1976). Escontra’l sieglu XVII adquirió un sentíu de índole comercial una y bones sirvía para nomar a los bienes posesores d’una especial calidá.  Un sieglu más tarde, nel XVIII, la palabra empezó a utilizase para designar a grupos sociales específicos. El conceutu «elite», como agora lu conocemos, surdió nel sieglu XIX como un intentu, dende les Ciencies Sociales y el llinguaxe, pa esplicar les nueves relaciones de poder que taben apaeciendo nes sociedaes.

 

Xuan García Díaz