La Compañía del Alba lleva a Grau ‘Perendi’

La comedia, basada en los cuentos en asturiano de Milio Rodríguez Cueto, podrá verse en el auditorio moscón el próximo sábado, día 18 de abril

Redacción / Grau

La Compañía del Alba lleva a Grau la obra de Teatro Perendi. La comedia, galardonada con varios premios podrá verse en el auditorio moscón el próximo sábado, día 18 de abril a las 20:00 horas. La entrada es libre hasta completar aforo.

Sinopsis:

Marina quier escapar de Perendi. L’ansia d’esperiencies de la mocedá, el brillu del gran mundu y un futuru idealizáu d’ésitos profesionales llámenla alantrones, embúrrienla pa dexar atrás el valle natal. Pero, enantes de marchar, tien que buscar, xusto en Perendi, la materia pal trabayu d’investigación que-y facilite acceder a una plaza d’investigadora asociada na Universidá de Wisconsin: la obra pictórica d’un estrambóticu artista siriu inmigráu nel conceyu, dotáu del don de la profecía pictórica y augur de defunciones y catástrofes. Por embargu, pa conseguir los cuadros tien que s´enfrentar a les resistencies de la madre, el pragmatismu chatu de Paulino´l quiosqueru y la rocea del cura párroco, Anxel Madera. Pelos cuadros d’Ahmad Rami desfila una sociedá semirrural decadente, trasuntu de l’asturiana, que, como caún de los sos componentes, muerre d’una manera tan irremediable como ridícula.

La obra ye una adaptación escénica de los relatos que Milio Rodríguez Cueto publicó na primer década del sieglu XXI, recoyíos posteriormente´n tres volúmenes de cuentos.

L´artista plásticu Nacho Suárez igüó siete cuadros orixinales pa la puesta n´escena de Perendi, na que  tamién cuntamos cola collaboración de Lidia Otón, una de les actrices habituales del Teatru de L´Abadía  de Madrid dende los años 90, especialista´n coaching y dirección actoral.

Esti proyectu supón la estrena nes tables de Milio Rodríguez Cueto, ún de los autores asturianos mas premiaos. Va ser tamién la primer vez que Lidia Otón, una de les actrices de referencia del teatru de l´Abadía de Madrid, trabaya con una compañía asturiana, nesti casu na dirección d´actores. Too baxo la coordinación de Carlos Alba Cellero.

Premios obtenidos:

Premiu Nel Amaro 2024 a la meyor obra del teatru profesional asturianu.
Premiu OH de les Artes Escéniques D’Asturies a la meyor autoría ( 2025), Milio Rodríguez Cueto.
Premiu OH de les Artes Escéniques D’Asturies a la maeyor interpretación masculina (2025), Carlos Alba.
Finalista premiu OH a la meyor interpretación femenina, Carmen Gloria.