Celestina Sánchez, Ca Sancho, referente na música tradicional

A los sos noventai cuatru años presentó su segundu discu

Un momento de la actuación de Ambás / Foto de Xuan Alonso

Xuan Alonso / Grau 

El pasáu vienres foi la presentación del segundu discu Celestina Sánchez de Ca Sanchu, a los sos noventai cuatru años tou un referente na música tradicional, al pie de el so nietu Xosé Ambas gran estudiosu de la música tradicional el cual tien el mayor arquivu arrexuntáu por tola xeografía d’Asturies. El discu foi presentau n’Ambas onde Celestina bien tapadina asomouse a la puerta casa pa saludar a tola xente presente ente canticos ya aplausos, mientres merendaban queisu afuegal pitu. Dempués nel patiu la Casa Cultura de Grau ante la mirada de la xente, muncha rellacionada cola música, baille ya’l folclore, Xosé Ambas recitou unes pallabres referentes a como foi la vida de la so bulita mientres se proxectaben semeyes, pa dempués char algunos cantares acompañaos de la pandereta ya’l acordeon, pa cerrar la presentación fixeron dos corros alredor de la fonte cantando «p’abrir pa mayu pa setiembre» mientras danzaban coios pel dedu, llue la neña moscona Noemi Alonso de diez años entono un cantar que Celestina enséñoi «A onde vas dar Agua». Nesti discu titulau, Bulita de sones pa la danza ya outras piezas, se recoyen quince cantares, nueve d’ellos recoyios de la memoria Celestina de fai diez años pa’lantre.